Shqipëri: 9 qytetarë të infektuar me COVID
Nëntë qytetarë janë infektuar me COVID në 24 orët e fundit, ndërsa nuk ka asnjë humbje jete.
Në 24 orët e fundit janë kryer 242 testime, nga të cilat kanë rezultuar pozitivë me COVID19 5 qytetarë në Tiranë dhe 4 në Lushnje.
Janë 211 qytetarë aktivë me Covid19 në të gjithë vendin. Aktualisht në spitalin COVID3 po marrin trajtim 4 pacientë.
Janë shëruar 12 qytetarë gjatë 24 orëve të fundit, duke e çuar numrin e të shëruarve në 328.124 që nga fillimi i epidemisë.
Ministria e Shëndetësisë dhe Mbrojtes Sociale i bën thirrje qytetarëve të mos neglizhojnë vaksinimin antiCOVID dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.
Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Ndryshe, Shqipëria deri më sot ka regjistruar gjithsej 331.928 raste pozitive, prej tyre 328.124 janë shëruar, 211 janë raste aktive, ndërsa betejën me sëmundjen e rrezikshme e kanë humbur 3.593 pacientë./tch
