Pesë civilë u vranë të mërkurën në dy shpërthime të minave tokësore në Jemenin e shkatërruar nga lufta, sipas një observatori jemenas.

Një minë tokësore shpërtheu ndërsa tre të mitur po kullosnin delet në lagjen Nihm, në lindje të kryeqytetit Sanaa, duke vrarë dy dhe duke plagosur të tretin, tha në një deklaratë Observatori i Minave Tokësore të Jemenit.

Një nënë dhe dy vajzat e saj u vranë gjithashtu në një tjetër shpërthim mine tokësore në distriktin Ad-Durayhimi, në jug të provincës al-Hudaydah në Jemenin perëndimor, tha Qendra Kombëtare e Veprimit ndaj Minave të drejtuar nga Houthi.

Sipas zyrtarëve jemenas, ka më shumë se dy milionë mina tokësore të vendosura në të gjithë Jemenin e shkatërruar nga lufta.

Jemeni është përfshirë nga dhuna dhe paqëndrueshmëria që nga viti 2014 kur rebelët Houthi të lidhur me Iranin pushtuan pjesën më të madhe të vendit, duke përfshirë kryeqytetin Sanaa.

Konflikti tetëvjeçar ka krijuar një nga krizat më të rënda humanitare në botë, me miliona njerëz që vuajnë nga uria./AA