Në selinë e Federatës së Futbollit të Kosovës (FFK) u bë sot tërheqja e shortit për sezonin e ri të garave 2023/24 në futbollin e femrave.

Kryetarja e Komisionit për futbollin e femrave në Kosovës, Vjollca Krasniqi i ka uruar klubeve të gjitha kategorive fat në edicionin e ri, ndërsa i njoftoi përfaqësuesit edhe për ndryshimet që janë bërë në rregulloren e garave, raporton KosovaPress.

Krasniqi po ashtu i njoftoi klubet që FFK do t’u shpërndajë topa klubeve të të gjitha kategorive me rastin e fillimit të kampionatit të ri.

Sezoni i ri i Superligës, Ligës së Pare dhe Ligës U17 do të fillojë më 26/27 gusht.

Pas tërheqjes së shortit për javën e parë në ligat përkatëse do të përballen:

Superliga

Malisheva – Mitrovica

Bazeli 2015 – Hajvalia

Dukagjini – Kosova Vr

Presingu – Llapi

Liga e Parë

Prishtina – Feronikeli

16 Qershori – Intelektualet

Ulpiana – Liria

Jakova – Vizioni

Liga U17

Grupi A

2 Korriku – Vizioni

Ardhmëria – KFV Prishtina

Bazeli – Llapi

Intelektualet – Presingu

Grupi B

Behar – Shqiponja

Istogu – Deçani

Mitrovica – Malisheva

16 Qershori – Dukagjini

Jakova – Feronikeli