Shkaktoi vdekjen e 5-vjeçarit, Youtuberi dërgohet në gjyq
Një gjykatës i Romës dërgoi të martën Matteo Di Pietro, një Youtuber 20-vjeçar, në një "gjykim të menjëhershëm" për një aksident në Romë në qershor të këtij viti në të cilin u vra një djalë pesë vjeçar.
Di Pietro, një anëtar i kolektivit "Borderline" në Youtube, po drejtonte një Lamborghini me qira që u përplas me një makinë Smart në lagjen Casal Palocco të kryeqytetit, duke vrarë një djalë pesë vjeçar dhe duke plagosur nënën dhe motrën e viktimës.
Një gjykim i menjëhershëm është ai që fillon pa seanca paraprake. Ai do të nisë më 27 shkurt.
Grupi i Youtuberave dyshohet se po merrte pjesë në një video sfidë sociale që përfshinte vozitjen e Lamborghini SUV për disa ditë.
Në qershor, një gjykatës i hetimeve paraprake tha se Di Pietro kishte "marrë me qira Lamborghini SUV me qëllimin e vetëm dhe të qartë për të bërë përshtypje dhe për të tërhequr vëmendjen e shikuesve të rinj të internetit në mënyrë që të rrisnin të ardhurat nga reklamat, në dëm të sigurisë dhe përgjegjësisë, dhe rrjedhimisht për të vazhduar me shpejtësi mbi kufijtë e treguar".
Dyshohet se ai kishte qene duke udhëtuar me mbi 124 km/h menjëherë përpara përplasjes. /ANSA
YouTuber-i Trevor Jacob u burgos pasi rrëzoi aeroplanin për shikime - KosovaPress
