Deputeti i Lidhjes Demokratike të Kosovës Driton Selmanaj, ka folur rreth një skandali financiar, ku dyshohet se është i përfshirë ambasadori i Kosovës në Kroaci, Martin Berishaj.

Selmanaj i cili ka udhëhequr edhe me komisionin Ad-hoc të Kuvendit të Kosovës për hetimin e menaxhimit të krizës energjetike, tha se duket se kjo situatë do të marrë përmasa edhe rajonale.

“Tash po del që ky proces nuk paska qenë dhe aq i thjeshtë dhe ne si LDK po e shohim me shumë shqetësim, e kemi quajtur “Martin Gate” për shkak të një skandali i cili po duket se ka përmasa të nivelit ballkanik të mos themi edhe më gjerë”, tha Selmanaj./ Klan Kosova