Sekuestrohen armë, municion dhe jelek antiplumb në Pejë, arrestohen gjashtë persona
Siguri
Lexohet për: 1 min.
Dëgjoje me zë...
Sekuestrohen armë, municion dhe jelek antiplumb në Pejë, arrestohen gjashtë persona
Policia e Kosovës ka sekuestruar armë, municion dhe pajisje të tjera gjatë disa aksioneve të realizuara në lokacione të ndryshme në rajonin e Pejës gjatë fundjavës.
Sipas Drejtorisë Rajonale të Policisë në Pejë, më 6 dhe 7 qershor 2026 janë sekuestruar një pistoletë tip Bereta, një armë gjuetie tip Uzumlu, një pistoletë tip M57, një pistoletë tip TT, 25 fishekë, tre karikatorë, një jelek antiplumb, një thikë dhe një radiolidhje.
Lidhur me këto raste janë arrestuar gjashtë persona të dyshuar. Pas intervistimit dhe me urdhër të prokurorit të shtetit, pesë prej tyre janë liruar në procedurë të rregullt, ndërsa një i dyshuar është ndaluar për 48 orë.
Policia ka bërë të ditur se mbetet e përkushtuar në luftimin e dukurive negative dhe garantimin e rendit dhe sigurisë publike në rajonin e Pejës.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
