Policia e Kosovës ka sekuestruar sot 20 motoçikleta nё Pejё.

Sipas njoftimit, gjatë realizimit tё këtij plani nga data 23 mars deri me datë 29 mars, janë sekuestruar, shqiptuar gjoba: Njëzet motoçikleta  llojeve tё ndryshme, pesëmbëdhjetë gjoba pa regjistrim të motoçikletave, njëzetë e dy gjoba për mos posedim  patentë shoferi dhe Tetëmbëdhjetë (18) gjoba për mos bartje të helmetës.

“Janë shqiptuar pesëdhjetë e pesë (55) gjoba ndaj këtyre kundërvajtësve. Aktivitete dhe detyra të shumta policore, që janë të planifikuara të realizohen  në kuadër të  Planit Operative, do të vazhdojnë në mënyrë intensive në ditët në vijim, pa asnjë tolerim ndaj secilit kundërvajtës. Krejt kjo në të mirë të rregullimit të komunikacionit, si dhe parandalimit të aksidenteve”, thuhet në njoftim.

Drejtoria Rajonale e Policisë në Pejë apelon tek të gjithë pjesëmarrësit në komunikacion, e veçanërisht tek ngasësit e motoçikletave, tё respektojnë rregullat e komunikacionit.

/Kosovapress/