Guvernatori i Bankës së Shqipërisë, Gent Sejko, u ka bërë thirrje bankave komerciale që të shtojnë financimet për ndërmarrjet e vogla dhe të mesme, veçanërisht në sektorin e bujqësisë, për t’i dhënë më shumë mbështetje ekonomisë.

Deklarata erdhi gjatë aktivitetit për nënshkrimin e partneritetit të ri mes shtetit, sistemit bankar dhe sipërmarrjes shqiptare në kuadër të programit kombëtar “Dyfisho Sipërmarrjen Tënde”. Guvernatori  theksoi se kreditimi për sektorin privat ka shënuar rritje në vitet e fundit dhe se kredia bankare mbetet burimi kryesor i financimit të ekonomisë, shkruan TCH, transmeton KosovaPress.

Ai shtoi se zhvillimet tregojnë për një rritje të rolit të sistemit bankar në ekonomi dhe për përdorimin e instrumenteve moderne të pagesave, ndërsa kërkoi më shumë angazhim në financimin e sektorit bujqësor.