Kryetarja e Kuvendit, Albulena Haxhiu, ka shtyrë seancën e jashtëzakonshme për zgjedhjen e presidentit në orën 14:00.

Sipas saj, kjo po bëhet për t’i dhënë mundësi partive opozitare që të jenë të pranishme në seancë që të zgjidhet i pari i vendit.

“E ftoj opozitën të vinë në seancën për zgjedhjen e presidentit të cilën e kemi nis dje dhe për t;i dhënë atyre mundësinë që të vinë, po e vazhdojmë për seancë për orën dy”, tha ajo.

Në sallën plenare kanë qenë të pranishëm deputetët nga mazhoranca por jo ata nga opozita.

KosovaPress ka mësuar se në hapësirat e Kuvendit janë të pranishme të gjitha grupet parlamentare duke mbajtur mbledhje.

LVV-ja dje ka propozuar dy kandidate për president, Feride Rushiti dhe Hatixhe Hoxha. Kjo e para në votimin e djeshëm mori 64 vota, mirëpo pas kësaj kryeparlamentarja ndërpreu seancën për ta vazhduar sot.

/Kosovapress/