Kryetarja e Kuvendit, Albulena Haxhiu, tha se po e bën këtë përpjekje që opozita të jetë në sallën plenare për ta zgjedhur presidentin. Ajo i bëri thirrje partive opozitare që të jenë pjesëmarrëse në seancën e orës 23:00.

“Ata duhet të jenë këtu dhe të ushtrojnë mandatin e tyre për të folur apo votuar, sidomos për shkak të aktgjykimeve për të ushtruar të drejtën e tyre të votës. Ne i kemi edhe disa orë para se të bëhet ora 24:00. Në këtë rast po e vlerësoj të rëndësishme që të mundësojmë edhe një seancë për vazhdimin e një seance tjetër. Uroj mirëkuptimin e deputetëve që kanë ardhur në vazhdimësi për këtë çështje, po ashtu të mediave, ku i falënderoj për prezencën e tyre në seancat ku po përpiqemi të zgjedhim presidentin e vendit. Jam e detyruar që edhe këtë seancë ta ndërpres këtu dhe t’iu bëj thirrje që në orën 23:00 të vijnë sërish në seancë plenare”, tha ajo.