Trajneri argjentinas Jorge Sampaoli (64) kritikoi futbollistin e njohur francez  Ousmane Dembele (27).

Sampaoli ka thënë se lojtari i PSG-së luan në fushën e futbollit sikur të jetë autik.

“Ai e fillon veprimin vetë dhe e përfundon vetë. Ai nuk ka aftësinë të bëjë një shok skuadre të shkëlqejë, ai thjesht di të shkëlqejë vetë. Mbappe është pak i tillë."

Dembele arriti në PSG nga Barcelona për 50 milionë euro dhe njihet për shpejtësinë e madhe, por ai shpesh i përfundon veprimet me një pasim të gabuar ose goditje të pasaktë.

Ai ka pesë gola në 49 paraqitje për kombëtaren franceze, ndërsa në vitin 2018 ishte kampion bote në Rusi.

Nga ana tjetër Sampaoli ka një vit pa punë. Ai drejtoi Flamengon vitin e kaluar, dhe njihet për drejtimin e ekipeve kombëtare të Kilit dhe Argjentinës. Në Evropë, ai drejtoi Seville dhe Marseille.