Kriza te Real Madridi ka marrë përmasa të reja pas zbulimit të identitetit të lojtarit që u godit me shuplakë nga Antonio Rüdiger gjatë një sherri në dhomat e zhveshjes.

Mbrojtësi gjerman raportohet se "humbi qetësinë" dy javë më parë pas barazimit me Real Betis, duke sulmuar fizikisht shokun e skuadrës, Alvaro Carreras.

Ky i fundit, ish-lojtari i Manchester United dhe Benfica-s, u detyrua të nxirrte një deklaratë publike për të qetësuar gjakrat, duke e cilësuar incidentin si një "çështje të izoluar" që tashmë është zgjidhur brenda grupit.

Për të riparuar marrëdhënien pas këtij shpërthimi dhune, Rüdiger thuhet se u kërkoi falje shokëve të skuadrës dhe organizoi një darkë të përbashkët për lojtarët dhe familjet e tyre të premten e kaluar. Megjithatë, ky sherr është vetëm maja e ajsbergut në një sezon katastrofik për "Mbretërit".

Përveç përplasjes Rüdiger-Carreras, situata mbetet e tensionuar edhe me Kylian Mbappe, i cili është përfshirë në debate me stafin e trajnerit Alvaro Arbeloa, duke e çuar dhomën e zhveshjes drejt një përçarjeje totale përpara ndeshjes "El Clasico".

KosovaPress