Ministrja e Ndërmarrësisë, Industrisë dhe Tregtisë, Mimoza Kusari-Lila, ka dhënë detaje se si do të zbatohet në praktikë Projektligji për masat e përkohshme të produkteve themelore në rastet e veçanta të destabilizimit në treg.

Pas miratimit në qeveri, ajo tha se bordi i themeluar nga Kuvendi do të përcaktojë saktë një listë të produkteve për mbikëqyrjen e çmimeve, mbi të cilat nuk guxon të tregtohet.

Sipas saj, interesi thelbësor i ligjit është të ruhet interesi i qytetarëve në rastet kur tregu destabilizohet pas krizave globale.

“Në këtë rast mund të përcaktojmë saktë se për një listë të produkteve të miratuara nga bordi për mbikëqyrjen e çmimeve do të ketë çmime mbi të cilat nuk guxon të tregtohet. Në situata të tilla do të ketë një mbikëqyrje dhe sanksionim më të rreptë. Kjo do të përcillet me fushatë informuese edhe për konsumatorët dhe operatorët. Ideja nuk është të krijojmë panikë ose humbje të produkteve në treg, por të ruhet interesi i qytetarëve. Në secilën krizë ka të tillë që synojnë përfitimin.”

Ajo në konferencë për media pas mbledhjes së qeverisë tha se edhe caktimi i marzhës së fitimit për derivatet po jep rezultate konkrete.

Pjesë e konferencës ishte edhe ministri i Shëndetësisë, Arben Vitia, i cili tha se me Projektligjin për sigurimin e detyrueshëm të kujdesit shëndetësor zvogëlohet pabarazia në ofrimin e shërbimeve.

Ai tregoi se si do të bëhet kontributi në fondin për sigurimet shëndetësore.

Lajmi i plotë në sistemin me parapagim...

/Kosovapress/