Rrezik për Salmonelë, 19 milionë vezë tërhiqen nga supermarketet amerikane

Midwest Poultry Services, një prodhues i madh amerikan i shpendëve me seli në Manchesterin Verior, Indiana, ka tërhequr vullnetarisht nga tregu gati 1.59 milion duzina vezësh me guaskë të bardhë dhe kafe nga disa nga fermat e saj për shkak të shqetësimeve për salmonelë.

    Përafërsisht 19 milion vezë u tërhoqën nga supermarketet për të parandaluar infeksione fatale tek fëmijët e vegjël, të dobëtit, të moshuarit dhe ata me sistem imunitar të dobësuar.

    Kontaminimi i mundshëm, raportoi New York Post, prek dy nga fermat e kompanisë në Teksas dhe u zbulua përmes "monitorimit proaktiv mjedisor dhe analizës së shkakut rrënjësor", shkruan ANSA.

Kompania aktualisht nuk do të shpërndajë vezë të freskëta nga fermat në rrezik.

Përndryshe, personat që konsumojnë këto vezë mund të infektohet me bakterin Salmonella, i cili shkakton një sëmundje të quajtur salmonelozë.

Salmonela zakonisht përhapet përmes konsumimit të ushqimeve ose ujit të kontaminuar, sidomos: vezëve të pagatuara mirë dhe produkteve me vezë të papërpunuara; mishit të pulës dhe mishit të pagatuar mirë; qumështit ose produkteve të qumështit të kontaminuara; ushqimeve që janë prekur nga duar, pajisje ose sipërfaqe të ndotura.

Simptomat më të zakonshme janë diarre, dhimbje barku, temperaturë, të përziera dhe të vjella, dobësi dhe dehidratim.

Në shumicën e rasteve kalon brenda disa ditësh, por mund të jetë më e rrezikshme për fëmijët e vegjël, të moshuarit, gratë shtatzëna dhe personat me imunitet të dobësuar.