Rrahja në Kuvend, lënda ndaj Bislimit, Muratit dhe deputetëve të PDK-së shkon në ndërmjetësim
Lënda ndaj zëvendëskryeministrit Besnik Bsilimi dhe deputetëve Hajdar Beqa, Bekim Haxhiu dhe Mërgim Lushtaku, për përleshjen e ndodhur më 13 korrik 2023 në Kuvendin e Kosovës, ka shkuar në ndërmjetësim me pajtim të palëve në procedurë.
Këtë propozim e dha gjyqtari Eroll Gashi, i cili tha se nëse arrihet një marrëveshje aktakuza hidhet poshtë.
Ndërkaq, mbrojtësi i zëvendëskryeministrit Besnik Bislimi, avokati Florent Latifaj, tha se pajtohen që kjo lëndë të shkojë në procedurë të ndërmjetësimit.
Po ashtu edhe mbrojtësi i të akuzuarit Hajdar Beqa, avokati Hajzer Salihu tha se do t’ia japin një shans procedurës së ndërmjetësimit.
Për shkuarjen e kësaj lënde në procedurë të ndërmjetësimit u pajtuan edhe avokatët e Hajdar Beqës dhe Mërgim Lushtakut.
Po ashtu, që kjo lëndë të shkojë në ndërmjetësim u pajtua edhe i dëmtuari, ministri i Financave, Hekuran Murati si dhe prokurorja Nebahate Salihu.
Pas përfundimit të seancës gjyqësore, nuk pranuan të flasin zëvendëskryeministri Besnik Bislimi dhe ministri Hekuran Murati.
Ndërkaq, deputeti i PDK-së, Hajdar Beqa, pasi u pyet nga gazetarët, tha se shkuarja e kësaj lënde në ndërmjetësim nuk ka të bëjë me ndonjë koalicion të mundshëm me LVV-në.
Lajmi i plotë në sistemin me parapagim...
