Një 63-vjeçar ka humbur jetën si pasojë e dhunës fizike në Vlorë, ndërsa tre persona janë shpallur në kërkim.

Ngjarja ka ndodhur dje në rrugën “Gjergj Arianiti”, në lagjen “Pavarësia 3”. Sipas hetimeve të para, tre të dyshuarit – A.C., 31 vjeç, Xh.N., 34 vjeç, dhe E.H., 23 vjeç – gjatë një konflikti për motive të dobëta kanë goditur me grushte një 24-vjeçar dhe babanë e tij, 63-vjeçarin I.A.

Autoritetet bëjnë të ditur se po vijon puna intensive për kapjen e të dyshuarve dhe zbardhjen e plotë të rrethanave të rastit. Materialet i janë referuar Prokurorisë së Vlorës për veprën penale “Vrasja me dashje”, e kryer në bashkëpunim.