Bologna fitoi ndaj Romës 3:2 si mysafir në xhiron e 12-të të Serie A në futboll.

Skuadra e Ivan Juriq në këtë mënyrë vazhdoi me lojërat dhe rezultatet e këqija në kampionat dhe mediat italiane besojnë se shumë shpejt trajneri kroat mund të shkarkohet, pasi mori Romën nga Daniele De Rossi më 18 shtator.

Roma ka një ecuri prej tri fitoresh, një barazim dhe pesë humbjeve me 13 pikë në vendin e 12-të në tabelë.

Bologna kaloi në epërsi me golin e Santiago Castros në minutën e 25-të. Roma barazoi përmes Stephan El Shaarawy në minutën e 63-të, por mysafirët kaluan në epërsi tre minuta më vonë me golin e Riccardo Orsolini.

Golin e tretë për Bologna e shënoi Jesper Karlsson në minutën e 77-të, ndërsa El Shaarawy shënoi për Romën golin e dytë tetë minuta para përfundimit të takimit.

Në xhiron e radhës Roma do të vizitojë Napolin. Bologna, e cila aktualisht është e teta në renditje, do të vizitojë sërish “Olimpico” kundër Lazio.