Renovimi i Klinikës së Kardiokirurgjisë në QKUK, zbulohen 200 metra katrorë hapësirë e pa shfrytëzuar
Lexohet për: 1 min.
6 muaj më parë
Linku u kopjua
Përveç rritjes së numrit të shtretërve në kujdesit intensiv nga katër në 10 dhe në repart nga 14 në 17, në Klinikën e Kardiokirurgjisë në Qendrën Klinike Universitare të Kosovës, janë zbuluar edhe 200 metra katrorë hapësirë e pa shfrytëzuar.
Kështu është deklaruar kryeministri i Kosovës Albin Kurti gjatë përurimit të renovimit të Klinikës së Kardiokirurgjisë i cili tha se nga buxheti i Kosovës janë shfrytëzuar 750 mijë euro.
Ndërsa, drejtori i Klinikës së Kardiologjisë në QKUK, Shpejtim Shurdhiqi ka shtuar se kardiokirurgjia që nga viti 2013 ka pasur nevojë për një renovim të tillë.
Po ashtu, ministri i Shëndetësisë, Arben Vitia ka theksuar se i vetmi problem e sfidë e renovimeve në QKUK, është vendosja e pacientëve gjatë renovimit të një reparti të caktuar.
Në ceremoni pjesë ishin edhe ambasadori i Italisë Antonello De Riu dhe drejtori i SHSKUK-së, Elvir Azizi. /A. Shala/
