Redaktimet nga prokuroria po i vështirësojnë hetimet e mbrojtjes së Thaçit dhe të tjerëve • KosovaPress

Biznes

Intervista

KQZ jep detaje për procesin e nesërm zgjedhor

Lajme

Mungesa e tavolinave informuese në qendrat e votimit shkakton konfuzion te qytetarët

Rajoni

Shtrenjtohen banesat në Shkodër, nga 800 euro metri katror arrin mbi 1200 euro

Redaktimet nga prokuroria po i vështirësojnë hetimet e mbrojtjes së Thaçit dhe të tjerëve

Lexohet për: 4 min.

2 vite më parë

Linku u kopjua

Në konferencën mbi ecurinë e çështjes ndaj Thaçit dhe të tjerëve, avokatët mbrojtjes kanë përmendur mundësinë për njoftim për alibi por sipas tyre një gjë e tillë nuk mund të bëhet derisa ka redaktime të shumta në dokumente. Ata kanë kërkuar nga Zyra e Prokurorit të Specializuar, të tregojë tabelën se kur do të hiqen redaktimet, ndërsa, nga kjo zyrë kanë thënë se do të përpiqen ta bëjnë atë deri në fund të muajit tetor.

Avokati i ish-presidentit Thaçi, Gregory Kehoe ka thënë se aktakuza ka tejet redaktime çka e bën të pamundur që mbrojtja të dijë se ku pretendohet të kenë ndodhur ngjarjet e caktuara.

“A do të përdorim në mbrojtje alibie, përgjigja është po. Për shembull nëse do të marrim parasysh kohën nga konferenca e Rambujesë, deri në fund të shkurtit deri në pranverë, klienti im ka qenë në Evropë, ka qenë duke u takuar me udhëheqës ndërkombëtar, nga ana tjetër ka akuza të shumta dhe e vërteta është që ka kaq shumë redaktime sa është e pamundur për neve të marrë me mend se kur kanë ndodhur ngjarje të caktuara, në momentin kur të hiqen redaktimet të tilla atëherë do të kemi një informacion më të plotë, vetëm atëherë do të kemi mundësi që kur të lexojmë për shembull vendet, data, emrat, vetëm atëherë do të kemi mundësi të mendojmë për një njoftim për alibi, më përpara nuk mund të themi asgjë”, ka thënë Kehoe.

Edhe nga ekipi i mbrojtjes së Kadri Veseli kanë thënë se kanë identifikuar dy fusha ku mund të jetë e nevojshme njoftimi për alibi por fillimisht duhet të largohet redaktimi.

“Kemi identifikuar dy fusha ku mbase mund të jetë e nevojshme njoftimi për alibi, megjithatë, do të duhet të shikojmë çfarë do të na tregojë informacioni për të hiqet redaktimi në materiale. Mbështesim fortë që të shikojmë një tabelë për të kuptuar se kur do të hiqen redaktimet dhe kur do të hiqen të gjitha instrumentet, pra si në dëshmitë e dëshmitarëve por gjithashtu edhen ë dosjet paraprake”, ka thënë avokati Strong.

Ndërsa, avokati i Rexhep Selimit, David Young ka thënë se e kanë të vështirë të thonë nëse do të bëjnë njoftim për alibi, për shkak të sasisë së madhe të redaktimeve.

“Duke marrë parasysh sasinë e redaktimeve është e vështirë për neve të themi se nëse do të bëjmë ndonjë njoftim për alibinë, për këtë arsye ne kemi dhënë këtë lloj formulimi, kemi thënë të parashikojmë potencialisht se do të kemi nevojë për një njoftim alibie”, ka thënë avokati i Selimit.

Avokati i Jakup Kransiqit, Aydan Elis ka thënë se janë në pritje të tabelës së prokurorisë e cila tregon kur do të hiqen redaktimet.

“Me materialin që kemi ne do të bëjmë më të mirën e mundur që të trajtojmë informacionin në dosjen paraprake, ndërkohë për momentin nuk kemi informacion të plotë, nuk mund të themi nëse do të bëhet një njoftim për alibi, presim të kemi tabelën nga prokuroria për të ditur se kur do të hiqen redaktimet”, ka thënë Elis.

Ndërsa nga prokuroria është thënë se do të bëjnë të pamundurën që deri në fund të muajit tetor të ofrojnë largimin e sistemit të redaktimeve në aktakuzë.

Gjykata Speciale

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.