Rebelët islamikë dyshohet se kanë vrarë të paktën 13 persona në një sulm në Masala të Kongos, tha Justin Kavalami, një zyrtar lokal dhe udhëheqës i shoqërisë civile.

“Njerëz të armatosur sulmuan fshatin Masala në territorin e Benit, i cili ndodhet në provincën e Kivu veriore, gjatë natës së së premtes”, konfirmoi administratori ushtarak Charles Euta Omegonga.

Kavalami tha se sulmi u krye nga Forcat Federale Demokratike (ADF), e njëjta organizatë që një zyrtar lokal fajësoi për një sulm në një fshat tjetër në fillim të kësaj jave që vrau të paktën 16 njerëz.

ADF, një organizatë që ka origjinën në Ugandën fqinje dhe tani është e bazuar në Kongon lindore, ka premtuar besnikëri ndaj Shtetit Islamik dhe shpesh kryen sulme duke destabilizuar më tej rajonin, ku veprojnë shumë grupe militante.