Portieri spanjoll, David Raya, është një nga heronjtë kryesorë të titullit të Arsenalit.

Me 19 ndeshje pa pësuar gol në 37 paraqitje, ai barazoi rekordin historik të klubit që mbahej nga legjenda David Seaman.

Rrugëtimi i tij në Angli nisi nga baltat e ligave të ulëta te Southport, periudhë që e kaliti portierin:

"Mësova se asgjë nuk vjen falas... realizova se duhej t'i dilja zot vetes. Ishte një mësim i madh që m'i hapi sytë," u shpreh Raya.

Pas një dëmtimi horror në hundë në vitin 2018 dhe ndryshimit të stilit të lojës falë trajnerit Inaki Cana, Raya u shndërruar në liderin e padiskutueshëm të portës së "Gunners". Për sigurinë e tij, ish-mbrojtësi i Arsenalit, Nigel Winterburn, deklaroi për Flashscore:

"Saktësisht kjo është pika e fortë e Raya-s. Ai bën një pritje brilante në momentin kyç, atëherë kur nevojitet më së shumti – jo kur je duke udhëhequr 3-0."

Edhe pse sapo u shpall kampion i Premier League në moshën 30-vjeçare, Raya pritet ta ndjekë Botërorin e kësaj vere nga stoli, si zëvendësues i Unai Simon te Spanja.

KosovaPress