Qindra punëtorë i bashkohen marshit të SBAShK-ut, kërkohet dialog social
"Kërkojmë të ngritët vlera e koeficientit", "Duam dialog social", "Qeveri respekto pensionistët", kanë qenë disa nga thirrjet e mbishkrimet në pankarta të protestuesve. Me qindra punëtorë e sindikalistë kanë marshuar nga Biblioteka Kombëtare, tek Ministria e Arsimit e në drejtim të objektit të Qeverisë së Kosovës. Protestës së organizuar nga Sindikata e Bashkuar e Arsimit i janë bashkuar edhe krerët e Sindikatës së Pavarur të Sektorit Privat dhe Bashkimit të Sindikatave të Pavarura të Kosovës.
Dialog social, nënshkrim të aneksit të kontratës kolektive të arsimit, respektim të pensionistëve, e përmirësim të kushteve te punës, kanë qenë disa nga kërkesat e protestuesve.
Pas marshimit, kryetari i SBAShK-ut, Rrahman Jashari deklaroi se qeveria po i ik dialogut dhe se do të detyrohen për veprime tjera sindikale.
Sindikalisti Arif Elezi ka potencuar kërkesat që kanë për qeverinë, ku mes tjerash u kërkua nga qeveria që të zbatohet vendimi i Gjykatës Kushtetuese për pagesën e përvojës së punës edhe për 15 vitet e para të punës.
E kryetari i Sindikatës së Sektorit Privat, Jusuf Azemi tha se kryeministri Albin Kurti nuk po përmbush premtimet e dhëna ne fushatë.
Protesta e sotme, kryetari i BSPK-së, Atdhe Hykolli tha se është ftesë për qeverinë për dialog.
Ai shtoi se pensionistët meritojnë respektin dhe njohjen maksimale të kontributit që kanë dhënë. /Sh.Pajaziti/
Lajmi i plotë në sistemin me parapagim...
