Kuvendi i Maqedonisë së Veriut ka konstatuar sot dorëheqjen e qeverisë dhe kreut të deritanishëm të Kuvendit, ndërsa me shumicë votash, 64, votoi zgjedhjen e Jovan Mitrevskit për kryetar të ri të Kuvendit në vendin e kreut të deritanishëm Talat Xhaferi.

Presidenti Stevo Pendarovski i dorëzoi sot mandatin për formimin e qeverisë së re për organizimin e zgjedhjeve Talat Xhaferit.

Partitë do të shfrytëzojnë kohën e mbetur deri të dielën për të zgjidhur përplasjet rreth asaj që VMRO-DPMNE-ja nuk dëshiron ta votojë qeverinë e drejtuar nga Xhaferi, ndërsa LSDM-ja thotë se nuk ka asnjë rast në botë kur një parti që merr pjesë në qeveri dhe të mos e votojë atë.

Martin Kostovski nga LSDM-ja tha se qytetarët e Maqedonisë së Veriut meritojnë të udhëhiqen nga një qeverisje me integritet, e cila ofron zgjidhje për progres në vend.      

Nikolla Micevski, koordinator i grupit parlamentar të VMRO-DPMNE,  tha se dita e sotme tregon se seanca e sotme dëshmoi se qeveria aktuale do të vazhdojë në pafundësi të shkatërrojë vendin.

Ndërsa, Dimitar Apasiev, kryetar i Të Majtës, doli me kritika ndaj Jovan Mitrevski, kryetarit të ri të Kuvendit.    

Jovan Mitrevski, kryetar i ri i Kuvendit, tha se mbeten të hapur për bashkëpunim me partitë e tjera parlamentare.

Ndryshe, Qeveria e re teknike pritet të votohet të dielën, 100 ditë përpara ditës së zgjedhjeve.

Lajmi i plotë në sistemin me parapagim.