Një tjetër sulm i qenve endacakë në oborrin e Klinikës së Ortopedisë në QKUK.
Një vajzë 15-vjeçare u sulmua nga qentë endacakë mëngjesin e sotëm tek hapësira e Klinikës së Ortopedisë në Qendrën Klinike Universitare të Kosovës, shkruan Gazeta Shneta.
Një qytetare ka dërguar disa fotografi në redaksinë e Gazetës, duke treguar ngjarjen e cila e la vajzën 15-vjeçare me lëndime dhe trauma.
“Ka ndodhur sot në mëngjes rreth orës 07:20 tek hymja e Ortopedisë në QKUK. Vajza është në gjendje stabile, por është e traumatizuar”, tha ajo.
Sipas saj, vajza derisa ishte nisur për të shkuar në shkollë u sulmua nga një grup prej rreth 15 qenve endacakë.
Drejtori i Klinikës së Emergjencës në QKUK, Dr. Naser Syla, e konfirmoi rastin. Ai tha se vajza ka marrë trajtim mjekësor dhe gjendja e saj është stabile.
/Kosovapress/
