Qelaj: Ligji për mbrojtjen e fëmijës nuk po zbatohet • KosovaPress

Biznes

Intervista

Bajrami: Vonesa në themelimin e Asociacionit e vështirëson pozitën e Kosovës

Lajme

Bullgaria do të bëhet me fabrikë për disqe vinyl

Rajoni

Nesër priten reshje intensive shiu dhe përmbytje në Shqipëri

Qelaj: Ligji për mbrojtjen e fëmijës nuk po zbatohet

Lexohet për: 4 min.

329829807_959918055379576_2247037788584439547_n

1 vit më parë

Linku u kopjua

Ligji për mbrojtjen e fëmijës nuk po gjen zbatim dhe deri më tani janë aprovuar vetëm 18 akte nënligjore. E drejta e fëmijëve në arsim, siguria në shkolla dhe mbrojtja sociale e shëndetësore janë disa nga çështjet më të ndjeshme me të cilat po ballafaqohen fëmijët. Kështu u tha në tryezën e diskutimit me temën “Ligji për mbrojtjen e fëmijës - progresi në zbatimin e tij”, nga koalicioni i OJQ-ve për mbrojtjen e fëmijës në Kosovë (KOMF).

Avokati i Popullit, Naim Qelaj ka thënë se është konstatuar se ky ligj nuk po zbatohet.

“Kemi konstatuar që ligji nuk është ka zbatohet. Kemi paraqit rekomandim për autoritetet ekzekutive dhe të tjera që kanë detyrime ligjore me i nxjerr aktet nënligjore, si organizma të cilat kanë për të funksionalizuar ligjet. Që nga ajo periudhë kur kemi dalë me rekomandime dhe kemi qenë më një tryezë të përbashkët, janë aprovuar gjashtë akte nënligjore prej gjithsej 18 akteve që janë të përcaktuara në ligj. Mbi bazën e këtyre të dhënave del që autoritet nuk kanë arritur me i përmbush detyrat të përcaktuara me ligj”, tha Qelaj në këtë tryezë.

Për më tepër, Qelaj shtoi se në Kosovë nuk ka ndëshkueshmëri për mos zbatim të Ligjit për Mbrojtjen e Fëmijëve. Mbi bazën e ankesave, ai shtoi se janë identifikuar fushat ku më së shumti preken të drejtat e fëmijëve.

“Çështjet më të ndjeshme që i kemi identifikuar gjatë vitit 2022 dhe për cilat kemi dalë me qëndrim janë të drejtat e fëmijëve në arsim, e drejta e fëmijëve në procedurë pranë gjykatës, dhuna dhe gjendja e sigurisë në shkolla, fëmijët me aftësi të kufizuara, mbrojtja sociale dhe shëndetësore e fëmijëve”, ka shtuar ai.

Kryetarja e Komisionit për të Drejtat e Njeriut, Duda Balje theksoi se janë duke punuar në ligjin e ri dhe për zbatueshmërinë e legjislacionit.

“Ne ligjërisht kemi provuar të gjejmë rrugën, është një problem praktik. Ne mundemi, unë kam shkuar të bisedojë me disa ambasada dhe janë gati për të ndihmuar financiarisht disa profesionistë të cilët mund të ndihmojnë fëmijët me aftësi të kufizuara dhe autizëm nëpër shkolla. Por, ne nuk kemi gjetur mundësi qysh ata të bëjnë pagesën, se ata duhet të ketë licencën dhe nëse ata nuk janë të licencuar, familja është sensitive. Disa herë jemi ulur me këto familje dhe jemi në rrugë qysh të ndihmojmë konkretisht”, u shpreh Balje.

Drejtoresha e koalicionit të OJQ-ve për mbrojtjen e fëmijëve (KOMF), Donjeta Kelmendi tha se niveli komunal ka nevojë për sensibilizim.

“Ka nevojë për një vetëdijesim dhe mobilizim shumë të madh të institucioneve dhe fuqizim të kapaciteteve drejt zbatimit të këtij ligji. Kjo ka qenë edhe iniciativa që kemi marrë bashkë me Zyrën për Qeverisje të Mirë bashkë edhe me mbështetjen të zyrës për UNICEF. Pjesëmarrja ka qenë jashtëzakonisht e madhe dhe kemi shënjestruar mbi 400 profesionistë dhe ka qenë një sinjal që niveli lokal ka nevojë për një sensibilizim edhe për ngritje të kapaciteteve”, ka thënë Kelmendi.

Ndërkaq, drejtori i Zyrës për Qeverisje të Mirë, Habit Hajredini tha se prej hyrjes në fuqi të ligjit për fëmijët kanë qenë të fokusuar në implementimin e tij.

“Fokusi jonë kryesor pas hyrjes në fuqi ka qenë, sepse neve na obligon Ligji për Mbrojtjen e Fëmijëve, neni 64 thotë-vetëdijësimi i publikut dhe kërkon nga qeveria të bëjë një fushatë vetëdijësuese në nivel vendi. Jemi mobilizuar si institucioneve dhe shoqëri civile kemi lansuar për herë të parë fushatën nacionale dhe kemi përgatit një plan kombëtar se si duhet të punojmë në vetëdijësimin e qytetarëve për zbatim të ligjit”, tha ai. /Sh.Pajaziti

Avokati i Popullit KOMF Naim Qelaj Zbatimi Donjeta Kelmendi Ligji per mbrojtjen e femijes

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.