Procesi i numërimit të votave ka përfunduar në një numër të madh të bashkive në Shqipëri, ku deri tash dihet që Partia Socialiste ka fituar në 42 bashki. Ndërsa, koalicioni Bashkë Fitojmë, do t’i drejtojë shtatë bashki.

Partia Socialiste ka fituar në Lushnje, Sarandë, Cërrik, Patos, Librazhd, Rrogozhinë, Bulqizë, Gramsh, Belsh, Roskovec, Tropojë, Dropull, Përmet, Skapar, Poliçan, Konispol, Këlcyrë, Fushë-Arrës, Libohovë, Pustec, Kamëz, Vora, Elbasan, Pusteci, Delvinë, Klos, Kolonjë, Këlcyrë, Tepelenë, Pukë, Peqin, Elbasan, Delvinë dhe Vlorë.

Ndërkohë, edhe në Shkodër, e cila ishte bastion i PD-së, duket që do të fitohet nga PS. Në këtë bashki deri tash janë numëruar 243 qendra të votimit nga 247 sa janë gjithsej. Aty po prin kandidati i PS-së, Benet Bahri Beci, i cili ka marrë 33953 vota. Kurse, kundërkandidati i tij nga koalicioni Bashkë Fitojmë, Bardh Ali Spahia ka marrë 22414 vota.

PS ka fituar edhe në Korçë, ku kandidati i PS-së, ka marrë 20996 vota dhe ai i koalicionit BF, ka marrë 13631 vota.

Edhe në Berat ka përfunduar numërimi i votave, ku fitues ka dal kandidati i PS-së me 16580 vota. Kurse, koalicioni BF, ka marrë 10394 vota. Rezultati në favor të PS-së, është edhe në bashkinë Maliq, ku ka marrë 13574 vota. Ndërsa, ai i koalicionit BF, 6875 vota. Kurse, në Kuçovë, PS ka marrë 6904 vota.

Partia që drejtohet nga Edi Rama ka fituar edhe në Dimal, Mirditë, Selenicë.

PS është afër fitores edhe në Lezhë, Dibër, Vau-Dejës, Devoll, Mat, Prrenjas, Përmet.

 E në Mirditë, Has, Himarës, Libohovë, Memaliaj, Pukë, Fushë-Arrëz, ka fituar Koalicioni Bashkë Fitojmë.

Ndërkohë, numërimi i votave po vazhdon edhe në 12 bashki.