Protesta e shqiptarëve për identitet e dinjitet në Bujanoc përfundon e qetë
Lajme
Lexohet për: 2 min.
2 muaj më parë
Linku u kopjua
Ka përfunduar protesta gjithpopullore e shqiptarëve në Bujanoc. Në sheshin Skënderbeu, emërtim të cilin nuk e pranoi Qeveria e Serbisë, në mënyrë të qetë kanë protestuar qindra shqiptarë, ndërkohë, u panë edhe forcat policore.
Para të pranishmëve me një fjalë rasti është paraqitur deputeti shqiptar në Kuvendin e Shqipërisë, Shaip Kamberi, i cili e akuzoi Qeverinë serbe për mohimin e të drejtave të pakicës shqiptare, duke thënë se ajo “nuk dëshiron integrimin e tyre në organet shtetërore në mënyrë të drejtë dhe të barabartë”.
E përveç drejtuesve të Këshillit Kombëtar Shqiptar, në mbështetje ishte edhe kryetarja e Komunës së Preshevës, Ardita Sinani, e cila ka shkruar se po ngrisin zërin për të drejtat e mohuara.
“Për marrëveshjet e paimplementuara. Për pasivizimin selektiv të adresave. Për mungesën e teksteve shkollore në gjuhën shqipe. Duke dëshmuar kështu mosnënshtrimin tonë, kundër shtypjes, shkeljes e diskriminimit. Për të dëshmuar qëndresën tonë”, ka shkruar ajo.
Ndëkrohë, ditë më parë, kryetari i Këshillit Kombëtar Shqiptar- KKSH, Nevzad Lutfiu, ka theksuar se protesta e nesërme në Bujanoc është e orientuar kundër Qeverisë së Serbisë dhe diskriminimit që po na bëhet në kontinuitet e i cili po shkon duke u thelluar.