Prokurori i Specializuar, Joshua Hafetz në fjalën e tij hyrëse në Hagë, tha se Hashim Thaçi kishte në shënjestër disa dëshmitarët specifike, dëshmia e të cilëve konsiderojë si kanosje për Thaçin.

Gjatë seancës së sonte nga prokuroria u paraqiten edhe fragmente të bisedave të Thaçit dhe të akuzuarve të tjerë përmes të cilat sipas pretendimeve të ZPS-së, Thaçi jepte udhëzime.

Prokurori Hafetz tha se të bashkakuzuarit e tjerë ishin partnerë të Thaçit për të arritur synimin e përbashkët.

“Prokuroria do të tregoj përmes argumenteve se të gjitha udhëzimet e Thaçit dhe ka shumë të tjera kanë pasur një synim të çartë dhe një shenjës tët qartë shënjestra ishin dëshmitarët specifik dëshmia e të cilëve sipas Thaçit përbënte kanosje për të. Synimi ishte që secili prej këtyre kërcënimeve të neutralizohej me qëllim që Thaçi t’i shmangej drejtësisë. Secili prej të bashkakuzuarve këtu sot ishin partnerët e tij për këtë arritur këtë synim të përbashkët ”, tha prokurori.

Prokurori i specializuar deklaroi se Thaçi dhe të tjerët kishin përpjekje për të penguar punën e gjykatës.

Prokurori i specializuara tha se Hashim Thaçi i kishte dhënë udhëzime Fadil Fazliu se si duhej të dëshmonte Rrustem Mustafa “Remi”, pasi e konsideronte si dëshmitarë vendimtarë për mbrojtjen e tij.

“Thaçi identifikoi se dëshmia e Mustafës ishte vendimtare për mbrojtjen e tij  dhe Thaçi e shpjegoi se sa e rëndësishme ishte që Mustafa të vendoste precedentin n që do ta ndiqnin dëshmitarët tjerë duke thënë atë që dëshironte. Thaçi i tha në hollësi se si donte ai që  të ishte dëshmia e Mustafës, çfarë duhej të thoshte Mustafa, si do të ishte seanca përgatitore  e këtij dëshmitari në ZPS dhe si duhej ta përballonte ai me qëllim që Mustafa të kthehej në Kosovë ose si ‘hero’ ose ‘njeri i turpëruar’ në varësisht që dëshmisë së të jepte  dh Thaçi i dha këto udhëzimet Fazliut që t’ia kalonte Mustafës përpara se ai të jepte dëshminë. Audio-incizimi tregon se jo vetëm se ra dakord që ta bënte atë që i tha Thaçi por në mënyrë aktive kontribuoi se çfarë mendonte  se duhet të thoshe në gjykatë Mustafa “,tha ai.

Gjatë seancës, prokurori tha se në vizitën në Hagë, Isni Kilaj kishte marrë udhëzime nga Hashim Thaçi që dëshmitari 4 të ndryshonte dëshminë.

Gjatë deklaratave hyrëse, prokurori i specializuar tha se Thaçi i ka dhënë udhëzime Bashkim Smakajt  se si duhej të dëshmonte dëshmitari i ZPS-së, Bislim Zyrapi.

“Fokusi kryesor ishte si në vizitën e shtatorit dhe nëntorit të Smakaj ishte veçanërisht për një dëshmitarët ë ZPS-së, Bislim Zyrapin....Thaçi e identifikoi Zyrapin me emër dhe tha se dëshmia e tij ishte vendimtare për këtë çështje më pas Thaçi vijoj dhe tha se çfarë donte ai që të thoshte Zyrapi dhe si duhet ta thoshte”, tha ai.

Hafetz tha se gjatë vizitës së Hajredin Kuçit që i kishte bërë Hashim Thaçit në qendrën e paraburgimit në shtator kishte marr udhëzime për 3 dëshmitarë.

“ Ai i dha Kuçit udhëzime të hollësishme për të paktën 3 dëshmitarë të ndryshëm 2 ishin anëtarët të brendshëm të UÇK  përfshirë sërish këtu Bislim Zyrapin dhe dëshmitari i tretë ishte dëshmitarë krimi i cili pritej të jepte dëshmi lidhur me keqtrajtimin e pretenduar të paligjshëm të anëtarëve të UÇK-. Kuçi ra dakord të realizonte këtë ndërhyrje  dhe dha këshilla edhe vetë ai se çfarë duhet të thoshin dëshmitarët”, deklaroi prokurori.

Prokurori i Specializuar, Joshua Hafetz tha se provat do të tregojnë se përtej dyshimit të bazuar të akuzuarit kanë kryer veprat penale që akuzohen.

“Këto prova plotësojnë njëra tjetrën dhe përforcojnë mëtej faktin dhe tregojnë përtej dyshimit se i akuzuari ka kryer secilën prej veprave penale që akuzohet. Pjesë e provave gjyqësore janë nëntë audio-incizime të vizitave të Thaçit në qendrën e paraburgimit, në lidhje me këto incizime, u miratuan më urdhër të gjykatës, këto autorizime ishin vetëm për disa muaj të paraburgimit të Thaçit dhe sigurisht ishin objekt i zyrës gjyqësore. Thaçi është personi që shënjestronte dëshmitarët dhe ka nxjerr informacion  të mbrojtur në këto incizime, kjo është e padiskutueshme dhe është e qartë, ai dallohet jo vetëm nga zëri që është zbardhur në inzime tona, por edhe nga përmbajtja që thotë, përfshirë fakte të shumta që lidhen veç me atë”, tha ai.

Edhe në seancën e sotme Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit u deklaruan të pafajshëm për akuzat për pengim të drejtësisë.

/Kosovapress/