Prishtina prezantoi planin e veprimit për siguri në shkolla
Lexohet për: 2 min.
1 vit më parë
Linku u kopjua
Një përqindje e konsiderueshme nxënësve të kryeqytetit nuk ndihen të sigurt në shkolla.
Prandaj, për të rritur sigurinë dhe mirëqenien e nxënësve , komuna e Prishtinës ka hartuar planin e veprimit për siguri në shkolla 2023/26, i cili u prezantua sot.
Kryetari i Prishtinës, Përparim Rama u shpreh se hulumtimet kanë nxjerr në pah një përqindje të konsiderueshme të nxënësve të cilët ndihen të pasigurt në shkollat e kryeqytetit.
Rama u shpreh se sigurinë në shkolla e kanë si prioritet në planin qeverisës.
“Hulumtimet e përfshira të kryera nga institucionet e kryeqytetit OSBE dhe Policisë së Kosovës kanë nxjerr në pah se një përqindje e konsiderueshme e nxënësve ndihen të pasigurt në shkollat e tyre”, theksoi ai.
Ndërsa, drejtoresha për Arsim në kryeqytet, Besiana Musëmurati theksoi se plani i veprimit për siguri në shkolla 2023/26 ka tri objektiva kryesore për të ofruar siguri për nxënësit.
Ajo tha se hulumtimi ka treguar se nxënësit nga klasa 1 deri 5 ndihen për 12% jo aq të sigurt në shkolla, ndërsa 24% e nxënësve të klasës 6 deri në 12 ndihen të pasigurt në shkollat e Prishtinës.
E Merita Jonuzi nga Ministria e Arsimit, Shkencës, Teknologjisë dhe Inovacionit u shpreh se pa krijuar favore për siguri në shkolla është vështirë të flitet për rezultate mësimore.
Sipas saj edhe përkundër dokumenteve të mira për mbrojtje të fëmijëve, sistemi vit pas viti ka çaluar për shkak të ndërrimit të qeverisjes lokale.
Sipas të parës për arsim në kryeqytet, plani parasheh shumë aktivitete si: vendosja e kamerave të sigurisë në shkolla, rritja e numrit të psikologëve, zhvillimi i protokolleve për raportim të dhunës, rritja e sigurisë prej shkollës në shtëpi, inspektimet e lokaleve afër shkollave.
Lajmi i plotë në sistemin me parapagim.
Plani i Sigurisë është hartuar në bashkëpunim me nxënësit, prindërit, shkollat, Policinë e Kosovës, organizata jo qeveritare e shumë akterë të tjerë.
Për hartimin e planit të veprimit hulumtimi është realizuar në 20 shkolla të Prishtinës me 500 nxënës, përfshirë 150 staf të shkollës dhe 150 prindër./B.Ibishi/
