Prishtina ka siguruar një fitore mjaft të rëndësishme në kuadër të xhiros së 27-të të Superligës së Kosovës në hendboll, duke mposhtur Vëllaznimin në Pallatin e Rinisë me rezultatin 39:36.

Ndeshja u karakterizua nga një efikasitet i lartë i të dyja skuadrave, ku për kryeqytetasit shkëlqyen Egzon Ademi me tetë gola, si dhe Albi Gjuka e Oltion Beshiri me nga shtatë të tillë.

Me këto dy pikë të reja, Prishtina ngjitet në pozitën e gjashtë me 17 pikë, duke parakaluar përkohësisht Trepçën.

Në anën tjetër, Vëllaznimi mbetet në vendin e katërt me 22 pikë, vetëm një më shumë se Llapi i vendit të pestë, duke e bërë garën për pozitat e larta edhe më interesante në prag të fazës finale të kampionatit.