Një aksident i rëndë trafiku me pasoja fatale ka ndodhur mbrëmjen e së premtes në fshatin Livoq të Gjilanit, ku ha humbur jetën një person ndërsa dy tjerë kanë pësuar lëndime.

Sipas policisë, rasti ka ndodhur rreth orës 19:43, ku janë përfshirë dy motoçikleta me drejtues meshkuj kosovarë.

“Në rrugën e lartcekur, ka ndodhur aksident trafiku me fatalitet, në të cilin kanë qenë të përfshirë dy motoçikleta me drejtues meshkuj kosovarë. Si pasojë e aksidentit lëndime vdekjeprurëse ka pësuar njëri nga drejtuesit, ndërsa dy meshkuj kosovarë, janë dërguar për tretman mjekësor. Me vendim të prokurorit,  trupi i pajetë është dërguar në IML për obduksion”, thuhet në njoftimin e policisë. /KosovaPress/