Policia e Kosovës ka konfiskuar dru të kontrabanduara në sasi prej 70 metër kub. Dyshohet se të njëjtat janë sjellë në Kosovë nga territori i Serbisë ndërsa është zbuluar se ato i përkasin të dyshuarit me inicialet A.L.

Rasti ka ndodhur përgjatë vijës kufitare në zonën e fshatit Velegllavë.

“Pas gjetjes së kësaj sasie të drunjve, të cilat dyshohet se në territorin e Republikës së Kosovës janë sjellë nga territori i Serbisë, zyrtarët policorë kanë arritur të zbulojnë se kjo sasi e drunjve i përket të dyshuarit mashkull me iniciale A. L. viti i lindjes 1985”, ka bërë të ditur Policia e Kosovës.

Rasti është inicuar si kontrabandim me mallra ndërsa me urdhër të Prokuronit, druri është konfiskuar dhe dërguar në terminalin doganor Dheu i Bardhë.