Pas skandaleve të fundit Kylian Mbappé ndodhet në syrin e stuhisë te Real Madridi, ku tensionet kanë arritur pikun pas një sherri të ashpër me stafin e trajnerit Alvaro Arbeloa.

Sipas Daily Mail Sport, zemërimi i tifozëve ka shpërthyer pas publikimit të fotove të sulmuesit në një jaht luksoz në Sardenjë me të dashurën e tij, Ester Exposito, teksa ekipi përgatitej për ndeshjen decizive ndaj Barcelonës. Kjo revoltë është konkretizuar me një peticion masiv online që ka kapërcyer shifrën alarmante prej 1.5 milion nënshkrimesh, ku kërkohet largimi i menjëhershëm i francezit me logon "FUERA" (Jashtë).

"Egoizëm në dhomat e zhveshjes" – Mbappé mbrohet, por akuzat rëndohen

Pavarësisht se një zëdhënës i lojtarit deklaroi se "kritikat bazohen në një mbinterpretim të periudhës së rikuperimit," situata brenda klubit duket e rëndë. Daily Mail Sport raporton se bashkëlojtarët janë të irrituar nga sjellja e tij "individualiste" dhe trajtimi preferencial që ai gëzon.

Ish-lojtari Emmanuel Petit ka shkuar edhe më tej duke thënë se Mbappé ka "mbushur dhomën e zhveshjes së Real Madridit me egoizëm".

Edhe pse Arbeloa u mundua ta minimizojë ngjarjen duke thënë se "në kohën e lirë lojtari bën çfarë të dojë," presioni i miliona fansave po e bën të ardhmen e yllit francez në "Bernabeu" gjithnjë e më të pasigurt.

Website i peticionit.

KosovaPress