Policia e Shtetit ka arrestuar në flagrancë shtetasin M. (Xh.) L. (39), banues në Burrel, pasi ky i fundit përndoqi bashkëshorten dhe një shtetas tjetër, të cilët tentoi t’i godasë me sëpatë në një dyqan.

39-vjeçari, gjatë kohës që tentoi të godiste një shtetas tjetër dhe bashkëshorten, e cila po shkonte në gjykatë për seancën e ndarjes, pasi dispononte dhe urdhër mbrojtjeje nga bashkëshorti, dëmtoi dhe dyqanin e një shtetasi.

Gjithashtu, gjatë konfliktit 39-vjeçari ka dëmtuar disa orendi në dyqanin ku zhvilloi konfliktin.

Ndërhyrja në kohë e policisë bëri të mundur sekuestrimin e sëpatës.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.