Të paktën 72 persona kanë vdekur dhe mijëra janë zhvendosur në shtetin verilindor të Indisë, Assam për shkak të shirave të dendura, rrëshqitjeve të dheut dhe përmbytjeve gjatë dy muajve të fundit, njoftuan zyrtarët sot.
Sipas një buletini nga autoriteti shtetëror i menaxhimit të fatkeqësive, qe nga mbrëmja e së hënës, përmbytjet kanë prekur 27 rrethe, duke prekur 1.8 milionë njerëz.
Në Parkun Kombëtar Kaziranga të Asamit, mbi 100 kafshë të egra, duke përfshirë rinoqerontët e rrallë me një brirë, janë zhdukur për shkak të përmbytjeve, thanë zyrtarët.
Më herët të hënën, shirat e dendura shkaktuan përmbytje dhe ndërprenë rrjetet rrugore dhe hekurudhore në Mumbai. Zonat e ulëta përjetuan përmbytje, duke çuar në ndërprerje në shërbimet e trenave periferike.
Shirat vjetore munsonike në Indi, duke filluar në maj, zakonisht shkaktojnë përmbytje në disa shtete. Më vete, autoritetet në shtetin Bihar raportuan 12 viktima nga goditjet e rrufesë sot. Në muajt e fundit, shtetet e Indisë janë përballur me valë të të nxehtit, duke rezultuar me mbi 100 viktima. /AA
