Me homazhe dhe nderime janë përkujtuar sot 13 dëshmorët e rënë heroikisht në fshatin Kralan të Gjakovës, 23 vjet më parë.

Sipas një njoftimi të komunës, në këtë ditë janë kujtuar e nderuar dëshmorët Xhavit Islami, Arben Hereqi, Rifat Smajli, Blerim Ahmeti, Shefqet Dervishaj, Rifat Salihu, Sadri Ahmeti, Metë Alija, të gjithë nga fshati Kralan si dhe Ilir Soba e Visar Myftari nga Gjakova, Fehmi e Sadri Shala nga Cermiani dhe Kujtim Qallaku nga fshati Baballoq.

“Në nderim të këtyre dëshmorëve, pos shume bashkeluftëtarëve e banorëve te Dushkajës, homazhe kane bërë edhe përfaqësues të komunës së Gjakovës, këshilltari i kryetarit Ardian Gjini, Xhavit Alijaj dhe zyrtarë tjerë komunal, deputetja e kuvendit të Kosovës Mimoza Kusari - Lila me bashkëpunëtorë, anëtarë të Kuvendit Komunal të Gjakovës e të tjerë”, thuhet në njofitm.