Partia Demokratike e Kosovës (PDK) ka kritikuar Qeverinë Kurti se vendimi për t’i paguar dëmshpërblim 21 milionë euro kompanisë amerikane “Contour Global” ka qenë i qëllimshëm, duke i shkaktuar dëm buxhetit dhe ekonomisë së vendit, si epilog i procesit të arbitrazhit pas dështimit të ndërtimit të termocentralit.

Për këtë vlerë u tha se është e barabartë me 42 mijë paga mesatare në Kosovë apo 210 mijë pensione, për çka e vlerësuan si humbje të madhe për qytetarët e vendit.

Anëtari i Kryesisë së Partisë Demokratike të Kosovës, Bernard Nikaj, në një konferencë për media tha se qeveria aktuale ka dështuar në menaxhimin për krijimin e kapaciteteve të reja energjetike, duke mos nisur asnjë projekt të ri. Dështim të kësaj qeverie, Nikaj përmendi edhe anulimin e projektit për gazin natyral.

Anëtari tjetër i Kryesisë së PDK-së, Blerand Stavileci tha se si rezultat i mos punës dhe paaftësisë së qeverisë, qytetarët duhet të paguajnë 150 milionë euro më shumë për energji elektrike, pa u shtuar asnjë megavat në sistem. Ai tha se dështimet e qeverisë bien në kurriz të qytetarëve, derisa shtoi se ekonomia ka nevojë për energji të sigurt dhe çmime të përballueshme.

Qeveria e Kosovës të mërkurën ka marrë vendim t'i paguajë mbi 21 milionë euro dëmshpërblim kompanisë amerikane “Contour Global”, pas humbjes në Gjykatën Arbitrazhit Ndërkombëtar vitin e kaluar.

Lajmi i plotën në sistemin me parapagim.