Partia Demokratike e Kosovës ka dorëzuar kallëzim penal për anëtarët e Bordit të ZRRE-së, në Prokurorinë Speciale të Republikës së Kosovës, për moszbatim të aktvendimit të Gjykatës Themelore në Prishtinë, për pezullimin e zbatimit të vendimit për shtrenjtimin energjisë për qytetarët e Republikës së Kosovës.

“Bordi i ZRrE-së është organ kolegjial i zgjedhur nga kjo shumicë parlamentare një vit më parë dhe në kuptim të përgjegjësisë ligjore të gjithë në mënyrë kolektive dhe individuale ndajnë përgjegjësinë për moszbatimin e vendimit të gjykatës. Ne kemi parasysh, është një vendim i gjykatës që nuk po zbatohet dhe dëshiroj të pyes sot, cili është mesazhi, që ky institucion po e dërgon qytetarëve të Kosovës? Ky është mesazhi më i keq që një institucion mund t'i dërgojë qytetarëve sepse kjo është e pashembullt, kjo nuk ndodhë në një vend demokratik”, u shpreh Fetahu.

Avokati Fetahu deklaroi se ngritja e çmimit të energjisë nga ana e Zyrës së Rregulaltorit të Energjisë tashmë nuk ka bazë ligjore dhe të gjithë qytetart e Kosovës mund të padisin këtë instticuion, opr edhe KESCO-n dhe KEDS-in në momentin që pranojë faturën me tarifat e reja.

Sekretari i përgjithshëm i PDK-së, Bajrush Xhemaili, deklaroi se me këtë veprim partia e tij po i del në mborjtje të gjithë qytetarëve të Kosovës, por disomos 350 mijë familjeve të cilat, sipas tij, janë prekur nga rritja prej më shumë se 100% e çmimit të energjisë.

Ai ak akauzuar Qeverinë e Kosovës dhe Lëvizjen Vetëvendosje se kanë qenë në sinkron të plotë me Zyrën e Rregullatorit të Energjisë për të rritur tarfiat e energjisë elektrike.

Gjykata Themelore në Prishtinë vendosi që të pezullojë përkohësisht ekzekutimin e vendimit të ZRrE-së për shtrenjtim të energjisë elektrike. Pas padisë së Partisë Demokratike të Kosovës, gjyqtari i rastit Kreshnik Kaçiu vendosi që të shtyjë ekzekutimin e vendimit të ZRrE-së për shtrenjtim të energjisë deri në një vendim përfundimtar.

Partia Demokratike e Kosovës pretendon se ZRrE, duke mos përfshirë në strukturën e re tarifore të pagesës së energjisë elektrike, katër komunat veriore, përveç diskriminimit mbi bazën e vendbanimit, ka kontribuar në mënyrë të drejtpërdrejtë edhe në cenimin e parimit të sundimit të ligjit dhe shtrirjes së sovranitetit shtetëror në pjesën veriore të shtetit. Po ashtu, PDK pretendon se vendimi i ZRrE-së ka të meta në pikëpamje të plotësimit të kushteve ligjore të procedurës administrative.