Pas reagimeve të shumta në publik, ish-veprimtari i LDK-së, Halil Geci ka bërë ndryshime në deklaratën e tij të publikuar në rrjetin social Facebook.

Në postimin fillestar, Geci kishte thënë se “Ja pse kjo “atdhetare”, që e mban emrin e Ibrahim Rugovës në gojë si bananen për Bajram, bëri grushtet. Po të ishte në Turqi, do të pushkatohej.”

Por, Geci e ka ndryshuar deklaratën duke e shkurtuar dhe modifikuar përmbajtjen.

Në versionin e ri të postimit, ai shkruan:

“Ja si iu bashkua Vjosa tavolinës së tradhtisë – si vegël e puçit të Prontos.”

“Baton Haxhiu i thotë gazetares për takimin që po flasim: ‘A e di kush e ka aranzhuar?’ Gazetarja: ‘Kush?’ Batoni: ‘UNË.’ Ja pse kjo “atdhetare”, që e mban emrin e Ibrahim Rugovës në gojë e në anën tjetër e bëri njëfarë grushteti.

/Kosovapress/