Pas licencimit, parasportistët kosovarë synojnë rezultate elitare në “Paris 2024”
Lexohet për: 2 min.
1 vit më parë
Linku u kopjua
Atletët paralimpik, Grevist Bytyqi dhe Vjollca Hoxha janë licencuar për të marrë pjesë në Lojërat Evropiane dhe Botërore në kuadër të Komitetit Paralimpik të Kosovës.
Ky hap u konsiderua si tejet i rëndësishëm nga presidentja e këtij komiteti, Njomza Emini e cila tha se tani janë të hapura dyert që këta dy sportistë të marrin pjesë edhe në Lojërat Olimpike Paris 2024, raporton KosovaPress.
Emini shtoi se kjo është një ngjarje historike pasi kjo kategori nuk e gëzonte të drejtën për të treguar vlerat e tyre jashtë Kosovës.
I pranishëm në këtë ngjarje ishte edhe ambasadori i Francës në Kosovës Oliver Guerot i cili u tha dy sportistëve se Franca do t’i mirëpres ata në vitin 2024. Ai tha se ndihet krenar që ka ndihmuar në kët proces të licencimit të sportistëve kosovar.
Licencimin e mori edhe trajneri Adrian Mazreku. Me këtë rast ai premtoi se së bashku me atletët do të synojnë që Kosovës ti sjellin medalje edhe në këtë kategori të sportit. A theksoi se kontributi i shtetit të Francës në këtë licencim ishte shumë i madh.
Ai shtoi se nga sot, së bashku me atletët paralimpik do të nisin punën që Kosova ta synojë rezultate sa më pozitive në Lojëra Paralimpike në Paris në vitin e ardhshëm.
