Nënkryetarja e Partisë për Liri dhe Drejtësi (SSP) Marinika Tepiq tha sot se presidenti serb Aleksandar Vuçiq po shtiret kur thotë se ‘do të merret me kriminelët dhe se qeveria aktuale në fakt po bashkëpunon intensivisht me ta’.

Në një letër të hapur, Tepiq e ka pyetur Vuçiqin se si Goran Knezheviq, i njohur si Goranac, brenda natës është bërë vrasës, narkoman dhe narko- diler, ndërsa deri dje, sipas saj, ka marrë pjesë në blerjen e votave për Partinë Progresive Serbe (SNS).

"Pse nuk i drejtoheni Zvonko Veselinoviçit tuaj, të cilin gjithashtu e vendosët për të ndërtuar dhe rindërtuar rreth Novi Sadit dhe për të pastruar pas jush. Kështu që tani Goranci dhe Zvonko tuaj u grindën pak, për plaçkën sigurisht, dhe ju në publik shtireni si përballje me kriminelët. Ndërsa të gjithë tuajit”, tha nënkryetarja SSP-së.

Ajo e pyeti Vuçiqin se pse nuk zbulon se kë ka vrarë Knezheviq dhe pse nuk është në burg nëse është e vërtetë se ai është vrasësi.

Sipas saj, ka dëshmi se Kovaçeviq ka qenë disa herë në ambientet e SNS në Novi Sad dhe se është i afërt me vëllain e presidentit të Serbisë, Andrej Vuçiq./Beta