Në kuadër të operacionit të koduar “Mix”, Policia e Shtetit në Korçë ka arrestuar një 56-vjeçar dhe ka sekuestruar 160 mijë euro, 240 gramë kokainë, një peshore elektronike, municion luftarak, laptop, çipa, telefon mobil dhe një automjet.

I dyshuari R. K., banues në Boboshticë, kishte përshtatur lokalin për përdorim drogash të forta dhe për lojëra fati, dhe në banesë mbante drogë, municion luftarak dhe 160.000 euro të fituara nga krimet.

Në ambientet e lokalit u kap duke blerë doza kokaine, shtetasi M. N., 20-vjeç, banues në Korçë, ndaj të cilit filloi procedimi në gjendje të lirë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Operacioni “Mix” është zhvilluar si pjesë e megaoperacioneve kombëtare “Tempulli” dhe “Sundimi i ligjit”.