Numër jashtëzakonisht i madh i automjeteve të KFOR-it që nga orët e hershme të mëngjesit të së shtunës janë duke qëndruar afër fshatit Varagë – vendi ku ka ndodhur sulmi i mbrëmshëm, përkatësisht në hyrje të Zubin Potokut.

Ata janë duke vëzhguar situatën nga afër, për të siguruar një mjedis të qetë dhe të sigurt, në rast të nevojës.

Mbrëmjen e 29 nëntorit ka ndodhur një shpërthim në fshatin Varagë të komunës së Zubin Potokut, në pjesën veriore të Kosovës.

Kryeministri Albin Kurti ka thënë se sulmi ka pasur synim dëmtimin e infrastrukturës “mbase edhe më të rëndësishmen që kemi”.

Prej Ibër-Lepencit furnizohen me ujë nga Liqeni i Ujmanit disa qytete të Kosovës, gjithashtu Koorportata Energjetike e Kosovës./A. Damati