Ka nisur seanca e Kuvendit të Kosovës për zgjedhjen e presidentit të vendit, raporton KosovaPress.

Në seancë po marrin pjesë 66 deputetë nga shumica parlamentare e udhëhequr nga LVV-ja.

“Po i ftoj deputetët që nuk janë të pranishëm që të vijnë në seancë. Aktgjykimet e Gjykatës Kushtetuese kërkojnë prezencën e tyre... Asnjë nga deputetë e Kuvendit të Kosovës të cilët sot nuk janë të pranishëm nuk kanë marrë leje nga unë sipas asaj që thuhet në aktgjykimin e gjykatës Kushtetuese për të munguar në seancën për zgjedhjen e presidentit. Po ashtu nuk më kanë njoftuar për arsyet e mungesës së tyre”, tha Haxhiu.