Kryeministri i Kosovës, Albin Kurti, merr pjesë në hapje të Samitit të Ballkanit Perëndimor “The Western Balkans Summit 2022”, organizim i The Economist, në bashkëpunim me Zyrën e Kryeministrit të Republikës së Kosovës. (Hotel “Emerald”, Prishtinë, ora 09:00?)

Ministria e Administrimit të Pushtetit Lokal dhe Komuna e Prishtinës mbajnë takimin e Grupit Punues të Ballkanit Perëndimor në kuadër të Komitetit Evropian të Rajoneve (CoR). (Hotel “Emerald”, salla Strauss 2, ora 09:00)

Kryetari i Prizrenit, Shaqir Totaj, takim me drejtorët e Komunës. (Shtëpia e Bardhë, Prizren, ora 09:00)

Instituti për Politika Sociale Musine Kokalari organizon tryezën “Who Cares? – Përkujdesi si punë e papaguar në Kosovë”. (Hotel “Sirius”, Prishtinë, ora 09:30 – 15:00)

Komisioni për të Drejtat e Njeriut takim me Bujar Ejupi - drejtor i përgjithshëm në Autoritetin e Aviacionit Civil, Naim Qelaj – Avokat i Popullit, dhe  Jeton Koca – kryetar i Këshillit të Pavarur Mbikëqyrës për Shërbimin Civil të Kosovës. (Kuvendi i Kosovës, salla N-302, ora 10:00)

Komisioni për Punë të Jashtme dhe Diasporë takim me ambasadorin e F1rancës në Kosovë, Olivier Guérot. (Kuvendi i Kosovës, salla C-301, ora 10:00)

Komisioni për Arsim mban dëgjim publik lidhur me Projektligjin për AntiDopingun. (Kuvendi i Kosovës, salla N-506, ora 10:00)

Koalicioni i OJQ–ve për Mbrojtjen e Fëmijëve në Kosovë – KOMF organizon konferencën “Sot flas unë”. (Klan Arena, Prishtinë, ora 10:00)

ORCA do të realizojë një aksion simbolik. (Para Rektoratit të Universitetit të Prishtinës, ora 11:00)

Komisioni për Ekonomi shqyrton raportin vjetor të performancës së ofruesve të shërbimit të ujit për vitin 2021 dhe raportin për gjashtë mujorin e parë të vitit 2022. (Kuvendi i Kosovës, salla N-10, ora 11:00)

Komisioni për Mbikëqyrjen e Financave Publike shqyrton raportin e Auditimit të pasqyrave financiare të KRU Hidromorava për vitin 2021. (Kuvendi i Kosovës, salla N-303, ora 11:00)

Zëvendësministri i Drejtësisë i Kosovës, Blerim Sallahu, si dhe përfaqësues nga EULEX-i do të diskutojnë për rolin e mbështetjes së këtij Misioni për sistemin korrektues të Kosovës dhe si ka ndryshuar ai ndër vite. (Selia e EULEX-it, Objekti i Farmed-it, ora 11:00)

Zhvillohet debati me temën “Riregjistrimi i automjeteve – çështje teknike apo statusi?” (Qendra Mediale Çagllavicë, ora 11:00)

Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, merr pjesë në Samitin e Ballkanit Perëndimor ‘’The Western Balkans Summit 2022’’, organizim i The Economist, në bashkëpunim me Zyrën e Kryeministrit të Republikës së Kosovës. (Hotel Emerald, Prishtinë, ora 11:30?)

Komisioni për Mjedis shqyrton në parim Projektligjin për ndryshimin dhe plotësimin e Ligjit për trajtimin e ndërtimeve pa leje. (Kuvendi i Kosovës, salla N-303, ora 13:00)

Në kuadër të aktiviteteve të Kuvendit të Sociologjisë, promovohet libri "Nacionalizmi: kombi, shteti dhe politika në epokën moderne" i profesorit Enis Sulstarova, pedagog në Fakultetin e Shkencave Sociale në Universitetin e Tiranës. (Fakulteti Filozofik, salla 014, ora 13.00)

Kryetari i Prizrenit, Shaqir Totaj, pret nesër në takim shefin e misionit të Luksemburgut në Kosovë, Eric Dietz dhe delegacionin e tij. (Shtëpia e Bardhë, 14:30)

Promovohet libri i autores Nora Prekazi  - “Kinematë e humbura të Mitrovicës”. (Ish-biblioteka “Hivzi Sylejmani” Prishtinë, ora 17:00)