Ministria e Punëve të Jashtme dhe Diasporës, përkatësisht Akademia diplomatike në bashkëpunim me Fondacionin “Friedrich Ebert” organizon hapjen e edicionit të dhjetë të Shkollës diplomatike. Marrin pjesë kryeministri Albin Kurti dhe shefja e diplomacisë Donika Gërvalla. (Hotel “Dukagjini” Pejë, ora 09:30)

Grupi për Studime Politike dhe Juridike (GLPS), Instituti GAP dhe Instituti për Politika Zhvillimore (INDEP) publikojnë raportin “Transparenca në përcaktimin e tarifave të energjisë elektrike në Kosovë”. (INDEP, rruga "Fehmi Agani" numër 50 A/4, prapa “Che Bar Caffe”, Prishtinë, ora 10:00)

Hapet Panairi bujqësor dhe energjisë së ripërtërirë, organizuar nga Oda Ekonomike e Kosovës. (Prishtina Mall, ora 11:00)

Mbahet takim mes Sindikatës së Minatorëve të Kosovës, Sindikatës së Minatorëve të SHBA-së, Sindikatës së Minatorëve të Australisë dhe Sindikatës së Minatorëve të Shqipërisë. (Hotel “Theranda” Prizren, ora 11:00)

Mbahet edicioni i dytë i Simpoziumit ndërkombëtar “Filozofema” me temë “Filozofia e teknologjisë tani” dhe “Arti në kontekstin bashkëkohor”. (Fakulteti Filozofik, salla 127, Prishtinë, ora 11:00)

Ministri i Kulturës Hajrulla Çeku dhe homologu i tij bullgar Nayden Todorov nënshkruajnë marrëveshjen e bashkëprodhimit në kinematografi Kosovë-Bullgari. (Ministria e Kulturës, Rinisë dhe Sportit, ora 12:15)

Vazhdon procesi gjyqësor në rastin Thaçi dhe të tjerët. (Hagë, ora 13:00-16:30)

Hapet “Kampi pyjor 2024”. Merr pjesë ministri i Bujqësisë, Faton Peci.  (Novobërdë, ora 14:00)

HANDIKOS mban konferencën përmbyllëse me temë ‘’Avancimi i politikave për personat me aftësi të kufizuara në Kosovë’’. (Qendra e Resurseve të HANDIKOS Veternik, Prishtinë, ora 14:00)

Promovohet libri "Hyrje në Psikolinguistikë" i autorit Rrahman Paçarizi. (Libraria “Dukagjini”, sheshi “Nëna Terezë” Prishtinë, ora 18:00)