Presidenti i Federatës së Futbollit të Kosovës, Agim Ademi i ka bërë thirrje talentit, Drilon Hazrollaj, por edhe lojtarëve të tjerë të rinj që të jenë të kujdesshëm për mënyrën se si veprojnë kur marrin ftesën nga Kombëtarja e Kosovës.

Në një intervistë për KosovaPress, Ademi ka thënë se Hazrollaj mund të ftohet nga trajneri i ri i Kosovës, Franco Foda, edhe pse ai ka refuzuar të luajë për grup moshat U21.

Ademi ka folur edhe për kuvendin e punës së FFK-së, aty ku pati një mbështetje totale nga ana e të gjitha klubeve, mbështetje kjo për të cilën, Ademi thotë se ka ardhur për shkak të punës së mirë të kësaj federate.

Kritika të mëdha për këtë kuvend pati për shkak se ai u mbajt pa praninë e mediave.

I pari i FFK-së ka folur edhe për marrëdhëniet me Ministrinë e Sportit. Ai thotë se tashmë është arritur “një paqe”, në mes të këtyre dy institucioneve.

Njëra nga çështjet më të diskutuara mbetet edhe lokacioni i stadiumit nacional. Sipas Ademit, MKRS është duke punuar në këtë drejtim, por që lokacioni nuk është caktuar ende dhe se FFK, nuk ka ndonjë preferencë për vendin ku ai duhet të ndërtohet.

Përtej këtyre zhvillimeve, së fundi është emëruar edhe trajneri i ri në krye të Kombëtares së Kosovës dhe i përzgjedhuri ishte gjermani Franco Foda. I pyetur nëse Foda është trajneri më i paguar deri më tani që i ka pasur Kosova, Ademi tha është një pagë normale.

Ndryshe, Federata e Futbollit së fundi ka miratuar strategjinë e re të futbollit e cila, sipas Ademit, do t’i vë themelet për të ardhmen e futbollit kosovar.

Lajmi i plotë në sistemin me parapagim...