Një takim interesant e i rastësishëm i ka ndodhur sot Isak Nezirit, kandidatit për deputet nga radhët e PDK-së.

Neziri, apo 99-shi i PDK-së, ka shkruar se e ka takuar sot rastësisht Lulzim Veliqin nga Polluzha, takimi me të cilin thotë se e ka emocionuar shumë.

Duke ndarë fotografi me të në platformat e tij sociale Facebook, Neziri ka thënë se Lulzimi ende po e mbante me vete numrin e telefonit të Isakut, kur edhe të njëjtin e kishte telefonuar në mesnatë pasi kishte mbetur pa strehim në Gjermani.

Neziri ka thënë se të dy e lanë Kosovën për një jetë më të mirë, mirëpo, tani janë kthyer me një qëllim për të votuar për Kosovën që mundet ma mirë, e për të kontribuar si deputet i ardhshëm i Kuvendit.

“Rastësisht sot takova Lulzim Veliqin nga Polluzha. U emocionova fort kur më tregoi se ende mban me vete kudo numrin kontaktues timin që nga viti 2001 kur edhe kërkoi konak te banesa ime në mesnatë. Të dy e lamë Kosovën me qëllime të forta për të ndihmuar familjen e rrethin, e sot unë si kandidat për deputet, e Lulzimi si votues jemi kthyer për ta bërë detyrën tonë”, ka shkruar Neziri.

Artikull i sponsorizuar