Kryeministri i Holandës Dick Schoof tha sot se mund të ketë mundësi që homologu i tij izraelit Benjamin Netanyahu të vizitojë Holandën pa u arrestuar, pavarësisht  urdhër-arrestit nga Gjykata Ndërkombëtare e Drejtësisë (ICC).

Kjo zbuti qëndrimin e ministrit të tij të Jashtëm, Caspar Veldkamp, ​​i cili javën e kaluar konfirmoi në Parlament se Holanda do të bashkëpunojë plotësisht me ICC, duke shpjeguar se kjo do të thotë se “ato veprojnë sipas urdhër-arresteve të lëshuara kundër personave që ndodhen në territorin holandez.”

Schoof tha sot se ka ende skenarë brenda detyrimeve holandeze ndaj ICC-së në të cilat Netanyahu nuk do të arrestohej, në varësi të arsyes së vizitës së tij.

“Gjëja më e rëndësishme është që ne kemi detyrime që dalin nga kontrata (në të cilën bazohet ICC) dhe t'i respektojmë ato. Në dritën e kësaj, ne do të duhet të shohim se si do të vepronim nëse kryeministri i Izraelit do të vinte në Holandë. Ka skenarë të mundshëm, gjithashtu brenda ligjit ndërkombëtar, ku ai mund të vinte në Holandë pa u arrestuar," ”, tha Schoof në konferencën për shtyp.

Schoof nuk specifikoi rrethanat në të cilat Netanyahu mund të vinte në vend, por javën e kaluar tha se mund të jetë e mundur që kryeministri izraelit të vizitojë një organizatë ndërkombëtare me bazë në Holandë, siç është Organizata për Ndalimin e Armëve Kimike pa u arrestuar.

ICC-ja, e cila është e vendosur në Hagë, lëshoi ​​urdhër-arrest ndaj Netanyahut, ish-ministrit të Mbrojtjes, Yoav Gallant dhe liderëve të Hamasit për krime të dyshuara lufte dhe krime kundër njerëzimit në Gaza.

Megjithëse të gjitha vendet anëtare të BE-së janë nënshkruese të Statutit të Romës, traktatit ndërkombëtar që themeloi ICC-në, Franca tha të mërkurën se beson se Netanyahu ka imunitet nga veprimi i ICC-së, duke pasur parasysh se Izraeli nuk është palë në Statutin e Romës.

Italia është shprehur se nuk është e mundur arrestimi i tij për sa kohë ai mban detyrën e kryeministrit.