Gruaja shtatzënë që u vra dje në Prishtinë do të varroset nesër.

Kështu u bë e ditur nga familjarët e viktimës për KosovaPress, sipas të cilëve viktima do të varroset në orën 13:00.

Sot u dërguan rrobat e viktimës në shtëpinë e saj, në fshatin Llugaxhi të Lipjanit.

Ndryshe, mbrëmë një burrë ka vrarë ish-bashkëshorten e tij shtatzënë në oborrin e objektit të Klinikës së Gjinekologjisë në Prishtinë. Gruaja shtatzënë, siç është raportuar, ka qenë duke pritur për të lindur. Gjykata Themelore e Ferizajt, sot ka njoftuar se ka pasur urdhër-mbrojtje ndaj 35 vjeçares, e cila është vrarë në oborrin e QKUK-së.

Prokuroria Themelore e Ferizajt, lidhur me rastin ka potencuar se kompetente për zbatimin e urdhrit mbrojtës ka qenë Policia.

Ndërkohë, Policia e Kosovës ka kërkuar nga qytetarët për ofrimin e informatave, të cilat do të ndihmonin në arrestimin e personit të dyshuar për vrasjen e bashkëshortes shtatzënë në QKUK, e i cili ende ndodhet në arrati.

https://kosovapress.com/policia-konfirmon-vrasjen-e-gruas-shtatzene-ne-oborrin-e-gjinekologjise/

https://kosovapress.com/35-vjecarja-e-vrare-mbreme-ka-pas-urdher-mbrojtje-per-gjashte-muaj-ndaj-te-dyshuarit-ekziston-aktakuze/

https://kosovapress.com/vrasja-e-shtatzenes-haxhiu-do-te-kete-doreheqje-e-shkarkim/

https://kosovapress.com/vrasja-e-shtatzenes-prokuroria-kompetente-per-zbatimin-e-urdhrit-mbrojtes-ka-qene-policia/

https://kosovapress.com/%e2%80%8bvrasja-e-shtatzenes-policia-kerkon-ndihmen-e-qytetareve-per-te-gjetur-sokol-halilin/